नाशिकच्या सर्व अपडेट्ससाठी आमचा व्हॉट्सअॅप ग्रुप जॉईन करा…
नाशिक (प्रतिनिधी): पैसे देण्यास नकार दिल्याचा राग आल्याने एका तरुणाने आईलाच लाकडाने मारून जिवे ठार मारण्याचा प्रयत्न केल्याप्रकरणी गुन्हा दाखल करण्यात आला आहे.
याप्रकरणी काजल संदीप आसरकर (वय 26, रा. क्रांतीनगर झोपडपट्टी, उंटवाडी रोड, नाशिक) यांनी फिर्याद दिली आहे.
त्यात म्हटले आहे, की आरोपी प्रवीण परशुराम गालट (वय 28) याने त्याची आई जानकी परशुराम गालट (वय 45, दोघेही रा. क्रांतीनगर झोपडपट्टी, उंटवाडी रोड, नाशिक) यांच्याकडे पैसे मागितले; मात्र आईने पैसे देण्यास नकार दिल्याचा राग आलेल्या आरोपी मुलाने आईला शिवीगाळ, मारहाण व दमदाटी केली, तसेच “तुला आता सोडतच नाही, तुझा जीवच घेतो,” असे म्हणून लाकडाने मारून जिवे ठार मारण्याचा प्रयत्न केला.
या प्रकरणी मुंबई नाका पोलीस ठाण्यात आरोपी प्रवीण गालट याच्याविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक पंकज सोनवणे करीत आहेत.