नाशिकमध्ये ऑक्टोबरपूर्वी गारवा; किमान तापमान १८.५ अंशांवर

नाशिक। दि. २९ सप्टेंबर २०२६: जूननंतर प्रथमच नाशिकच्या मुख्य हवामान केंद्रात किमान तापमान २० अंश सेल्सिअसच्या खाली नोंदवण्यात आले आहे. रविवारी आणि सोमवारी जाणवलेल्या या गारव्यामुळे मान्सूनच्या अखेरच्या टप्प्यात हवामानात अल्पकालीन बदल झाल्याचे दिसून आले.

भारतीय हवामान विभागाच्या (IMD) नाशिक वेधशाळेत रविवारी किमान तापमान १९.९ अंश सेल्सिअस, तर सोमवारी त्यात आणखी घट होऊन १८.५ अंश सेल्सिअस तापमानाची नोंद झाली. कमाल तापमानातही घट झाली असून, ते ३२ अंशांवरून २९.७ अंश सेल्सिअसपर्यंत खाली आले. मात्र, मंगळवारी कमाल तापमान पुन्हा ३० अंशांच्या वर गेले.

🔎 हे वाचलं का?:  नाशिक: इन्स्टाग्रामवर ड्रेसची रिल पाहिली अन् ९९ हजार गमावले! नाशिकमधील तरुणीची फसवणूक

या तापमानातील बदलाबाबत आयएमडी, मुंबईच्या शास्त्रज्ञ सुषमा नायर यांनी सांगितले की, वाऱ्याच्या दिशेत झालेला बदल हा तापमान घटण्यामागील प्रमुख कारण आहे. नाशिक परिसरातील वाऱ्यांचा प्रवाह पश्चिमेकडून उत्तरेकडे वळला आहे. उत्तरेकडून येणाऱ्या थंड वाऱ्यांसोबतच मध्य प्रदेश, दिल्ली, उत्तर प्रदेश आणि उत्तराखंडसह उत्तर भारतातील काही भागांत झालेला पाऊस व हिमवृष्टी यामुळे नाशिक आणि आसपासच्या भागातील रात्रीच्या तापमानात घट झाली.

🔎 हे वाचलं का?:  नाशिकमध्ये आता रोबोटिक सर्जरीची सुविधा; अपोलो हॉस्पिटल्समध्ये अत्याधुनिक युनिट सुरू

मात्र, हा गारवा फार काळ टिकण्याची शक्यता नसल्याचे हवामान तज्ज्ञांनी सांगितले. उत्तर भारतातील हवामान प्रणाली कमकुवत होत असून, पश्चिमी विक्षोभाच्या (Western Disturbance) प्रभावामुळे तापमान पुन्हा स्थिर होण्याची शक्यता आहे. त्यामुळे पुढील दोन दिवसांत रात्रीचे तापमान पुन्हा सरासरीपेक्षा अधिक होण्याची शक्यता आहे.

🔎 हे वाचलं का?:  नाशिक-त्र्यंबकेश्वर वाहतुकीत २४ ते २७ नोव्हेंबरदरम्यान महत्वाचे बदल

दरम्यान, मान्सूनचा परतीचा प्रवास सुरू राहून आगामी काही दिवसांत पावसाचे प्रमाण कमी होण्याची शक्यता आहे. त्यामुळे ४ किंवा ५ ऑक्टोबरच्या सुमारास दिवसाच्या तापमानात वाढ होण्याची शक्यता असून, नाशिक जिल्ह्यात ऑक्टोबरच्या नेहमीच्या उष्णतेची सुरुवात होण्याचे संकेत हवामान विभागाने दिले आहेत.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790