नाशिक। दि. ०५ ऑक्टोबर २०२५: ऑनलाइन जॉब देण्याचे आमिष दाखवून टेलिग्रामवरून सायबर गुन्हेगाराने वेळोवेळी संपर्क साधून पैसे उकळून सुमारे ७ लाख ८२ हजार ४८५ रुपयांचा गंडा घातला आहे. याप्रकरणी फिर्यादीने दिलेल्या तक्रारीवरून सायबर पोलिस ठाण्यात फसवणुकीचा गुन्हा दाखल करण्यात आला आहे.
टेलिग्रामच्या एका आयडीवरून अनोळखी व्यक्तीने फिर्यादीसोबत २१ जुलै ते ८ सप्टेंबर या कालावधीत संपर्क साधला. यात फिर्यादीला हॉटेल रिव्ह्यू टास्क पूर्ण करून पैसे कमविण्याचे आमिष दाखवले. हॉटेल रिव्ह्यू टास्कसाठी डिपॉझिटच्या नावाखाली रक्कम जमा करण्यास सांगून वेगवेगळ्या बँक खात्यांवर वेगवेगळी रक्कम ऑनलाइन वर्ग करण्यास सांगून फसवणूक केल्याचे फिर्यादीत म्हटले आहे. याप्रकरणी फसवणुकीचा गुन्हा दाखल करण्यात आला आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
