नाशिक। दि. १० सप्टेंबर २०२६: महाराष्ट्र राज्य मार्ग परिवहन महामंडळाच्या (एसटी) नाशिक विभागातील बसस्थानकांमधून सुटणाऱ्या बसेसच्या नियोजनात शुक्रवार (दि. ११) पासून फेरबदल होणार आहे. निमाणी बस स्थानकातून सुटणाऱ्या काही बसेस आता नवीन मेळा तसेच ठक्कर बसस्थानकातून सुटतील.
मेळा बसस्थानक : मालेगाव, धुळे, जळगाव, चोपडा, शिरपूर, शहादा, चाळीसगाव, शिंदखेडा, पुणे, कोल्हापूर, सांगली, सातारा, छत्रपती संभाजीनगर, जालना, मनमाड, नांदगाव, लासलगाव, येवला आदी.
नवीन बसस्थानक (ठक्कर): सटाणा, साक्री, नंदुरबार, नवापूर, पेठ, सुरगाणा, कळवण, सप्तशृंगी गड, त्र्यंबकेश्वर, इगतपुरी, गिरणारे, हरसूल, ओझरखेड आदी
महामार्ग बसस्थानक : शिर्डी, मुंबई मार्गावरील सर्व फेऱ्या, अहिल्यानगर मार्गावरील फेऱ्या तसेच वापी, वलसाड, सुरत.
दरम्यान, नाशिकरोड येथील एसटी बसस्थानकाचे सिमेंट काँक्रीटचे काम केले जाणार आहे. या बसस्थानकाचे कामकाज नाशिकरोड पोलिस ठाण्याच्या प्रवेशद्वाराजवळ स्वा. सावरकर उड्डाणपुलाखालील जागेतून सुरू रोईल. पुणे, शिर्डी, अहिल्यानगर, सांगली, तुळजापूर, भोर, नेवासा कोल्हापूर बस येथून सुटतील.
