नाशिक। दि. ६ मे २०२६: शासकीय अंधशाळा येथे 2026-27 या शैक्षणिक वर्षाकरिता अंध विद्यार्थ्यांच्या प्रवेश प्रक्रियेस सुरूवात झाली आहे, अशी माहिती नाशिक शासकीय अंधशाळेचे प्रभारी अधीक्षक प्रभाकर घाटे यांनी प्रसिद्धीपत्रकान्वये दिली आहे.
शासकीय अंधशाळेत प्रवेशासाठी विद्यार्थ्यांचा वयोगट 6 ते 14 वर्षे असा असून विद्यार्थी फक्त अंध प्रवर्गातील असावा. प्रवेशासाठी जिल्हा शल्य चिकित्सक यांच्याकडील विद्यार्थ्यांचे अंधत्व प्रमाणित वैद्यकीय दाखला असणे आवश्यक आहे. प्रवेशित विद्यार्थ्यांना शासनामार्फत निवा़स, भोजन व इतर शैक्षणिक सोयी-सुविधा मोफत पुरविल्या जातात.
शाळा प्रवेशासाठी विहित नमुन्यातील अर्ज अधीक्षक, शासकीय अंधशाळा, नाशिक, डॉ.बाबासाहेब आंबेडकर सामाजिक न्याय भवन आवार, नासर्डी पुलाजवळ, नाशिक- पुणे रोड कार्यालयात सुट्टीचे दिवस वगळून सकाळी 9.45 ते सायंकाळी 6.15 या वेळेत उपलब्ध होणार आहेत. अधिक माहितीसाठी 0253-2237568 या दूरध्वनीवर अथवा अधीक्षक प्रभाकर घाटे भ्रमणध्वनी क्रमांक 9518794893, कलाशिक्षक एस. ए. पाळदे, कनिष्ठ लिपिक भ्रमणध्वनी क्रमांक 9623780725 यावर संपर्क साधावा, असेही प्रसिद्धीपत्रकात नमूद करण्यात आले आहे.
