नाशिक। दि. २६ ऑक्टोबर २०२६: डाक अदालत, वरीष्ठ डाक अधीक्षक, नाशिक डाक विभाग, मुख्य डाकघरजवळ, त्र्यंबक रोड, नाशिक यांच्या कार्यालयात 5 नोव्हेंबर, 2026 रोजी दुपारी 4 वाजता डाक अदालतचे आयोजन करण्यात आले आहे, अशी माहिती डाकघरचे वरीष्ठ अधीक्षक प्रफुल्ल वाणी यांनी प्रसिद्धीस दिलेल्या पत्रकान्वये दिली आहे.
नाशिक विभागातील टपाल सेवेविषयीच्या ज्या तक्रारींचे निवारण 6 आठवड्यांत झालेले नाही, अशा तक्रारींचा डाक अदालतमध्ये विचार केला जाणार आहे. त्यासाठी तक्रार संबंधित कागदपत्रांसह वरीष्ठ डाक अधीक्षक, नाशिक डाक विभाग, नाशिक यांच्या कार्यालयात 2 नोव्हेंबर,2026 पूर्वी पोस्टद्वारे किंवा प्रत्यक्ष पाठवाव्यात. तक्रारी donashik.mh@indiapost.gov.in या ई-मेलद्वारेही पाठविता येतील. ग्राहकांनी डाक अदालतीचा लाभ घ्यावा, असे आवाहन वरीष्ठ अधीक्षक श्री. वाणी यांनी केले आहे.
