नाशिक। दि. ५ एप्रिल २०२६: अंबड, इंदिरानगर पोलिसांनी विविध गुन्ह्यात जप्त केलेला ७० लाख १५ हजारांचा मुद्देमाल तक्रारदारांना परत देत चेहऱ्यावर हास्य फुलवले. अंबड पोलिसांनी विविध गुन्ह्यांचा कौशल्याने तपास करत चोरीच्या विविध गुन्ह्यात लाखोंचा मुद्देमाल ऐवज जप्त केला होता.
अंबड पोलिस ठाण्याच्या गुन्हेशोध पथकाने उघडकीस आणलेल्या गुन्हयातील मुद्देमाल फिर्यादींना पोलिस ठाण्यात बोलावुन त्यांना परत करण्याच्या कार्यक्रमाचे आयोजन करण्यात आले.
तक्रारदारांना सन्मानाने मुद्देमाल परत देण्याच्या सूचना पोलिस आयुक्त संदीप कर्णिक यांनी पोलिस ठाण्याचे वरिष्ठ निरीक्षक यांना दिले. आहे. दर महिन्याला परिमंडळ १ व २ मधील १४ पोलिस ठाण्यात जप्त केलेला ऐवज अखंडितपणे तक्रारदारांना वाटप केला जात आहे. उपआयुक्त किशोर काळे, सहायक आयुक्त सचिन बारी, वरिष्ठ निरीक्षक जगवेंद्रसिंग राजपूत यांच्या हस्ते वाटप करण्यात आला.
१२ गुन्ह्यात ३१ लाख ९३ हजारांचे २३९ ग्रॅम सोने, ४ लाख ४ हजारांचे ३ वाहने, १७ लाख १४ हजारांचे ७९ मोबाईल, १० लाखांची कॉपर वायर, इंदिरानगर पोलिस ठाण्याच्या ९ गुन्ह्यातील ६ लाख ३ हजारांचा मुद्देमालाचे वाटप केले. तसेच इंदिरनगर ठाण्याच्या हद्दीतील ९ गुन्ह्यातील ६ लाख ३ हजार १६० रूपये किंमतीचा मुद्देमाल फिर्यादींना परत करण्यात आला.
