नाशिक: प्राणघातक हल्ल्याच्या गुन्ह्यातील फरार संशयित जेरबंद !

नाशिक। दि. २३ ऑगस्ट २०२५: प्राणघातक हल्ल्याच्या गुन्ह्यातील फरार संशयिताला अटक करण्यात आली. नाशिक शहर पोलिसांच्या खंडणीविरोधी पथकाने संत कबीरनगर येथे ही कारवाई केली. राहुल उर्फ बंटी राजकुमार भारती (रा. वाल्मीकनगर, वाघाडी) असे या संशयिताचे नाव आहे.

२६ जूनला पंचवटी पोलिस ठाण्यात दाखल जीवे ठार मारण्याचा प्रयत्नाच्या गुन्ह्यात फरार होता. खंडणीविरोधी पथकाचे वरिष्ठ निरीक्षक जगवेंद्रसिंग राजपूत यांच्या पथकाचे दिलीप सगळे, भूषण सोनवणे, भगवान जाधव, दिलीप भोई आदी संत कबीरनगर येथे कारवाई करत असतांना साईबाबा मंदिरासमोरच्या रोडवर संशयित पोलिसांना बघून पळत असल्याचे लक्षात आले. त्याचा पाठलाग करत थोड्याच अंतरावर त्याला पकडले.