नाशिक। दि. १२ जून २०२५: भरधाव ट्रकने पाठीमागून दिलेल्या धडकेत दुचाकीस्वार ठार झाल्याची घटना नाशिकरोड, दसक येथे घडली. पोलिसांनी दिलेली माहिती अशी, की फिर्यादी मच्छिंद्र सानप (रा. मीरारोड पूर्व, ता. जि. ठाणे) यांचे भाऊ भाऊसाहेब कचरु सानप (४८, रा. गुळवंच, ता. सिन्नर) हे (एमएच १५ एफवाय ८६४७) या क्रमांकाच्या दुचाकीने नाशिकहून जेलरोडमार्गे गुळवंच येथे घरी जात होते.
नांदूर गावाजवळील दसक पूल येथे पाठीमागून भरधाव आलेल्या (एमएच ०४ एफजे ६५२४) या क्रमांकाच्या ट्रकचालकाने सानप यांच्या दुचाकीस पाठीमागून धडक दिली. त्यात सानप हे गंभीर जखमी झाल्याने त्याचा मृत्यू झाला, तसेच अपघाताची माहिती न देता ट्रकचालक पळून गेला. याप्रकरणी आडगाव पोलिसांत ट्रकचालकाविरोधात गुन्हा दाखल झाला आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
