नाशिक: राष्ट्रीय बाल स्वास्थ्य कार्यक्रमांतर्गत बालकांची तपासणी मोहीम

नाशिक (प्रतिनिधी): राष्ट्रीय आरोग्य अभियानांतर्गत जिल्ह्यात 1 मार्च ते 31 मार्च 2025 या कालावधीत 0 ते 18 वर्षे वयोगटातील अंदाजित 1 लाख 65 हजार बालकांची तपासणी केली जाणार आहे. नागरिकांनी नजीकच्या ठिकाणी नियोजनातील शाळा किंवा अंगणवाडी येथे बालकांची तपासणी करून घ्यावी, असे आवाहन जिल्हा रूग्णालय, नाशिक व आरोग्य विभाग, जिल्हा परिषद, नाशिक यांनी प्रसिद्धी पत्रकान्वये केले आहे.

🔎 हे वाचलं का?:  नाशिकमध्ये किमान तापमानाचा पारा १० अंशांवर, तर निफाडमध्ये ६.५ अंशांची नोंद; थंडीचा जोर वाढला

0 ते 18 वर्षापर्यंतच्या बालकांची/ किशोरवयीन मुला-मुलींची प्राथमिक आरोग्य तपासणी करणे. आजारी आढळलेल्या बालकांवर उपचार करणे गरजू आजारी बालकांना संदर्भ सेवा देवून उपचार करणे, प्रतिबंधात्मक आरोग्य सेवा-सुविधा पुरविणे, सुशिक्षित व सुदृढ आरोग्यासाठी समुपदेशन करणे ही या मोहिमेची उद्दीष्टे आहेत. या तपासणी मोहिमेतून जन्मत: व्यंग, पोषणमूल्यांची कमतरता, शारीरिक व मानसिक विकासात्मक विलंब, आजार असलेल्या 0 ते 18 वर्षे वयोगटातील बालकांवर नजीकच्या शासकीय शाळा व अंगणवाडीच्या ठिकाणी निदान व उपचार करण्यात येतात.

🔎 हे वाचलं का?:  नाशिक: दुचाकी वाहनांसाठी ‘एमएच १५-एलजी’नवीन मालिका २३ नोव्हेंबरपासून सुरू

जिल्ह्यातील 0 ते 18 वर्षे वयोगटातील अंदाजित 1 लाख 65 हजार बालकांची तपासणी 76 पथकांमार्फत पूर्ण करण्यात येणार असून 6 मार्च 2025 पर्यंत 234 शाळा, 361 अंगणवाड्यांची तपासणी करण्यात आली आहे. यात 0 ते 6 वर्षे वयोगटातील 23 हजार 448 बालकांची, 6 ते 18 वर्षे वयोगटातील 35 हजार 392 बालकांची तपासणी पूर्ण झाली असून त्यापैकी 4 हजार 479 बालके आजारी आढळली आहेत. तालुकास्तरावरून 31 मार्च 2025 पर्यंतचे दिनांक निहाय सूक्ष्मकृती नियोजन जिल्हास्तरावर करण्यात आले आहे, असेही प्रसिद्धी पत्रकात नमूद करण्यात आले आहे.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790