नाशिक: अज्ञात वाहनाने दिलेल्या धडकेत ४५ वर्षीय महिला ठार

नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…

नाशिक (प्रतिनिधी): दिंडोरीरोडवरील तारवाला सिग्नल भागात भरधाव अज्ञात वाहनाने दिलेल्या धडकेत ४५ वर्षीय पादचारी महिला ठार झाली. याप्रकरणी पंचवटी पोलीस ठाण्यात मृत्यूची नोंद करण्यात आली आहे.

ज्योती शंकर वाघ (रा. मायको दवाखान्यामागे,कालीकानगर) असे मृत महिलेचे नाव आहे. ज्योती वाघ या शुक्रवारी (दि.१६) दिंडोरीरोडने तारवालानगरच्या दिशेने पायी जात असतांना हा अपघात झाला. पाटाच्या पुढील वळणावर पाठीमागून भरधाव आलेल्या अज्ञात चारचाकीने त्यांना जोरदार धडक दिली.

या अपघातात त्या गंभीर जखमी झाल्याने भाऊ गोकूळ साळवे यांनी त्यांना तातडीने जिल्हा रूग्णालयात दाखल केले असता वैद्यकीय सुत्रांनी तपासून मृत घोषित केले.