नाशिक: अंबड एमआयडीसीत शिवीगाळ करीत व्यावसायिकास बेदम मारहाण; तिघांविरुद्ध गुन्हा दाखल

नाशिक (प्रतिनिधी): पाण्याचा जार न दिल्याने टोळक्याने जातीवाचक शिवीगाळ करीत एकास बेदम मारहाण केल्याची घटना औद्योगिक वसाहतीत घडली. या घटनेत जार विक्रेता जखमी झाला आहे.

याप्रकरणी अंबड पोलिस ठाण्यात अ‍ॅट्रोसिटीचा गुन्हा दाखल करण्यात आला आहे.

पोलिसांनी दिलेल्या माहितीनुसार समाधान गुंजाळ, निखील गुंजाळ, अभिषेक गुंजाळ (रा.सर्व उपेंद्रनगर, सिडको) अशी गुन्हा दाखल करण्यात आलेल्या संशयितांची नावे आहेत.

👉 हे ही वाचा:  विकसित महाराष्ट्र 2047' सर्वेक्षण: नाशिक जिल्ह्यातील नागरिकांनी 17 जुलैपर्यंत आपले मत नोंदवावे

याप्रकरणी साहेबराव नाना अहिरे (रा.राणा प्रताप चौक, लेखानगर) यांनी तक्रार दाखल केली आहे. आहेर यांचा औद्योगिक वसाहतीत पाणी पुरविण्याचा व्यवसाय असून, बुधवारी (दि.२८) सकाळी ते नेहमी प्रमाणे पाण्याचे जार पोहचविण्यासाठी औद्योगिक वसाहतीत गेले असता ही घटना घडली.

👉 हे ही वाचा:  पुणे-नाशिक औद्योगिक महामार्ग प्रकल्प तीन वर्षात पूर्ण करणार

वालमार्ट पेंट कंपनी भागात ते जार पुरवित असतांना संशयितांनी त्यांच्याकडे पाण्याच्या जारची मागणी केली. मात्र संशयिताकडे मागिल थकबाकी असल्याने अहिरे यांनी जार देण्यास नकार दिल्याने संशयितांनी जातीवाचक शिवीगाळ व दमदाटी करीत त्यांना मारहाण केली. याबाबात विविध कलमांसह अनु.जाती जमाती अधिनियम अन्वये गुन्हा दाखल करण्यात आला असून अधिक तपास सहाय्यक आयुक्त देशमुख करीत आहेत.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790