येवला – मनमाड रस्त्यावर टाटा मॅजिक व कारचा भीषण अपघात; सात ते आठ जण जखमी

नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…

नाशिक (प्रतिनिधी): येवला- मनमाड महामार्गावरील कासारखेडा फाट्याजवळ टाटा मॅजिक व एर्टिगा कारमध्ये अपघात होऊन सात ते आठ जण जखमी झाल्याची घटना घडल्याची प्राथमिक माहिती समोर आली आहे.

या जखमींना येवला शासकीय रुग्णालयामध्ये उपचार करता दाखल करण्यात आले आहे. या अपघातामध्ये लहान बालकांचा देखील समावेश असल्याची माहिती समोर आली आहे.

अपघात झाल्यानंतर स्थानिकांनी त्वरित धाव घेत जखमींना रुग्णवाहिकेद्वारे रुग्णालयात पाठवले. जखमींची नावे अद्याप समजलेली नाही.

येवला – मनमाड रस्त्यावर नेहमीच गर्दी असते. या ठिकाणी काही रस्ते वळणदार आहे. त्यामुळे अपघातांचे प्रमाणही या रस्त्यावर वाढले आहे.