घटस्फोट झालेल्या पतीकडूनच पत्नीचा विनयभंग, घटनेनंतर संशयिताचे पलायन

नाशिक (प्रतिनिधी): पाच वर्षापुर्वी फारकत झालेल्या पतीकडूनच महिलेला भररस्त्यावर अडवून कपडे फाडून विनयभंग केल्याचा प्रकार कानडे मारुती लेन येथे घडला. याप्रकरणी भद्रकाली पोलिस ठाण्यात विनयभंगाचा गुन्हा दाखल करण्यात आला आहे.

पीडित महिलेच्या तक्रारीनुसार, सायंकाळी बहिणीच्या मुलीसोबत कानडे मारुती लेन येथे फळ घेण्यासाठी गेल्या होत्या. संशयिताने पाठीमागून येत महिलेचे कपडे पकडून शिविगाळ केली. बहिणीचा मुलगा सोडवण्यास आली असता संशयिताने त्यालाही शिविगाळ करत मारहाण केली. फारकत झाल्यानंतरही संशयित नेहमी रस्त्यावर उभा राहून पाठलाग करत होता. घटनेनंतर संशयित पळून गेला असून पोलिस शोध घेत आहे.