राज्यात आज-उद्या तुरळक पावसाची शक्यता !

पुणे। दि. ०७ ऑक्टोबर २०२५: राज्याच्या अनेक भागात मंगळवारी आणि बुधवारी तुरळक ते मध्यम स्वरूपाच्या पावसाचा यलो अलर्ट देण्यात आला आहे. कोकण गोवा, मध्य महाराष्ट्र, मराठवाड्यात पावसाचा जोर राहणार आहे.

सोमवारपर्यंत अरबी समुद्रातील शक्ती वादळ पश्चिममध्य अरबी समुद्रात पोहोचले असून, मंगळवार सकाळपर्यंत याचा प्रभाव कमी होऊन त्याचे न्यून दाबाच्या क्षेत्रात रूपांतर होणार आहे.

येत्या तीन ते चार दिवसांत परतीचा पाऊस राज्यातून माघारी फिरण्यास सुरुवात होईल, असा अंदाज हवामान विभागाने वर्तवला आहे. दरम्यान, पुढील ३ दिवस मध्य महाराष्ट्र, नागपूर, वर्धा, गोंदिया, भंडारा, चंद्रपूर, गडचिरोली, यवतमाळ आणि अमरावती जिल्ह्यात पाऊस पडण्याची शक्यता आहे.