नाशिक: ९ वर्षांच्या मुलीवर बलात्कार; आरोपीला १० वर्षे सक्तमजुरी
नाशिक (प्रतिनिधी): ९ वर्षांच्या मुलीवर सार्वजनिक शौचालयात बलात्कर करून तिला व तिच्या आई-वडिलांना जीवे ठार मारण्याची धमकी देणाऱ्या आरोपीला १० वर्षे सक्तमजुरीची शिक्षा ठोठावण्यात आली.
रवींद्र चौहलसिंग बहोत (३६, रा. महात्मा गांधी धाम, देवळाली गाव असे या शिक्षा झालेल्या आरोपीचे नाव आहे.
गुरुवारी (दि. १६) जिल्हा व सत्र न्यायाधीश डी. डी. देशमुख यांच्या न्यायालयाने ही शिक्षा ठोठावली.
अभियोग कक्षाने दिलेल्या माहितीनुसार, १३ ऑक्टोबर २०१७ रोजी दुपारी ३ वाजता देवळालीगावातील बकालवाडी सार्वजनिक शौचालय येथे पीडित ९ वर्षांची मुलगी शौचालयात गेली असताना आरोपी रवींद्र बहोत हा तिच्या पाठीमागे गेला.
[wpna_related_articles title=”More Important News” ids=”10946,10944,10937″]
तिला शौचालयात कोंडून तिच्यावर अत्याचार केला. मुलगी रडत असताना आरोपीने तिच्या गालात मारून कुणास काही सांगितले तर तुला आणि तुझ्या आई-वडिलांना जिवे मारेल अशी धमकी दिली. उपनगर पोलिस ठाण्यात आरोपी बहोत याच्या विरोधात बालकांचे लैंगिक अत्याचारापासून संरक्षण कायदा (पोक्सो) अंतर्गत गुन्हा दाखल करण्यात आला होता.
तत्कालीन महिला उपनिरीक्षक एस. डी. तेली यांनी तपास केला. आरोपीच्या विरोधात पुरावे गोळा करत गुन्हा साबित होण्याच्या दृष्टिकोनातून न्यायालयात दोषारोप पत्र दाखल केले. न्यायालयाने पंच, साक्षीदार आणि फिर्यादी यांनी दिलेली साक्ष आणि तपासी अधिकारी यांना सादर केलेल्या पुराव्यास अनुसरून १० वर्षे सक्तमजुरीची शिक्षा ठोठावली. सरकार पक्षातर्फे अॅड. दीपशिखा भिडे यांनी कामकाज पाहिले.
