नाशिक कॉलिंगचा व्हॉट्सअॅप ग्रुप जॉईन करण्यासाठी इथे क्लिक करा…
कुबेरेश्वर धामच्या रुद्राक्ष महोत्सावातील चेंगराचेंगरीत नाशिकच्या महिलेचा मृत्यू, अन्य तीन महिला बेपत्ता
नाशिक (प्रतिनिधी): विख्यात कथा वाचक पंडित प्रदीप मिश्रा यांच्या मध्यप्रदेशातील सिहोर जिल्ह्यातील कुबेरेश्वर धाममध्ये शिव व रुद्राक्ष वाटप महोत्सवाला सुरुवात झाली असून रुद्राक्ष वाटपाच्या कार्यक्रमात सुमारे दहा लाखाहून अधिक भाविकांची गर्दी झाली आहे.
त्यामुळे इंदूर- भोपाळ महामार्ग ठप्प झाला आहे. गर्दी वाढल्याने चेंगराचेंगरीसारखी परिस्थिती निर्माण झाली आहे. महाराष्ट्रातून मालेगाव येथून आलेल्या ५२ वर्षीय मंगलबाई कांडेकर या महिलेचा मृत्यू झाला आहे.
मंगलाबाई या मालेगाव तालुक्यातील झोडगे येथील असल्याची माहिती मिळत आहे. मंगलाबाई यांचा मृतदेह शवविच्छेदनासाठी सिहोर जिल्हा रुग्णालयात पाठवण्यात आला आहे.
- नाशिक: कारची दुचाकीला धडक; दुचाकीवरील दोन ज्येष्ठ नागरिकांचा मृत्यू
- महाशिवरात्रीनिमित्त त्र्यंबकेश्वरसाठी सिटीलिंकच्या जादा बस
- नाशिकमध्ये जॉब शोधताय ? इथे क्लिक करा…
त्याठिकाणी दोन हजार लोक आजारी असल्याचे सांगण्यात येत आहे. प्रशासनाच्या मार्गदर्शक सूचनांचे पालन करण्याच्या सूचना पोलिसांनी दिल्या आहेत. भाविकांची गर्दी वाढल्याने या गर्दीत काही महिला या बेपत्ता झाल्याचे बोलले जात आहे.
रुद्राक्ष वाटपासाठी ४० काउंटर सुरु करण्यात आले आहेत. गर्दी पाहता रुद्राक्ष वाटप बुधवारपासूनच सुरू झाले होते. पहिल्या दिवशी सुमारे दीड लाख रुद्राक्षांचे वाटप करण्यात आले. आतापर्यंत पाच लाखांहून अधिक भाविकांना रूद्राक्ष वाटप करण्यात आले असून रुद्राक्ष दर्शनासाठी दोन किलोमीटर लांब रांग आहे. दोन लाखांहून अधिक भाविक रांगेत उभे असल्याचा अंदाज आहे. गर्दी रोखण्यासाठी बांबू आणि दोर लावून बॅरिकेड्स लावण्यात आले असले तरी ते तोडके पडत आहे.
भाविकांची गर्दी वाढतच जात असून मोबाईल नेटवर्क जाम असल्याने एकमेकांमध्ये संपर्क होत नसल्याचे भाविकांनी सांगितले. दरम्यान, अकोला जिल्ह्यातील अकोट येथील ३ महिला या तिथे बेपत्ता झालेल्या आहेत. त्यांच्या शोधासाठी त्यांचे कुटुंब मध्य प्रदेशकडे रवाना झालं आहे.