नाशिक शहर: युवतीस पळवून नेल्याच्या रागातून नातेवाईकांची मारहाण, तरुणाचा मृत्यू
नाशिक (प्रतिनिधी): दोन लग्न झालेल्या तरुणाने १८ वर्षांच्या युवतीला पळवून नेले होते.
याच रागातून युवतीच्या नातेवाइकांनी केलेल्या मारहाणीत तरुणाचा मृत्यू झाला.
कालिका मंदिरामागील सहवासनगरातील या घटनेप्रकरणी मुंबईनाका पोलिसात युवतीचे दोन भाऊ व नातेवाईकांविरोधात सदोष मनुष्यवधाचा गुन्हा दाखल करण्यात आला आहे.
पोलिसांनी दिलेल्या माहितीनुसार सहवासनगरातील सचिन पाटील (३२) याची दोन लग्ने झाली आहेत.
याच परिसरातील युवतीला त्याने गुजरातला पळवून नेले. युवतीच्या नातेवाईकांनी दोघांना नाशिकला आणले व संशयिताला मारहाण केली. मुंबईनाका पोलिसांनी धाव घेत संशयिताला त्याच्या पत्नीच्या ताब्यात दिले. तिने त्यास जिल्हा रुग्णालयात दाखल केले. रविवारी सकाळी सचिन पाटीलचा मृत्यू झाला.
नाशिकच्या ह्या बातम्यासुद्धा तुम्ही नक्की वाचा:
नाशिक: कंटेनरमध्ये उडाला भडका… नव्या वीस इलेक्ट्रिक बाइक्स भस्मसात…
नाशिक: पोलिस कर्मचाऱ्याचा पत्नीसह कुटुंबावर जिवघेणा हल्ला; सासऱ्याचा मृत्यू
नाशिक: महसूलच्या आंदोलनास पोलिस आयुक्तांनी नाकारली परवानगी
