धक्कादायक: नाशिकला शेअर मार्केट व्यावसायिकाचे अपहरण करत ३९ लाखांची लूट

NPA GOLD LOAN

धक्कादायक: नाशिकला शेअर मार्केट व्यावसायिकाचे अपहरण करत ३९ लाखांची लूट

नाशिक (प्रतिनिधी): नाशिकमध्ये गुन्हेगारीचे सत्र काही केल्या थांबतांना दिसत नाहीये.

आता तर एका व्यावसायिकाला धमकावत तब्बल ३९ लाखांची लुट केल्याची घटना घडली आहे.

नाशिकमध्ये एका शेअर मार्केट व्यावसायिकाचे अपहरण करून दोन मोबाइल, २० लाख रुपयांची रक्कम तसेच ऑडी कार असा ३९ लाखांचा मुद्देमाल लंपास केल्याची घटना उघडकीस आली आहे.

यातील ऑडी कार सातपूर पोलिसांनी औरंगाबाद येथून हस्तगत केली असून फरार आठ संशयितांचा तपास सातपूर पोलिस करत आहेत.

हे ही वाचा:  नाशिक: अल्पवयीनांच्या दप्तरात प्राणघातक शस्त्रे; अवैध हत्यार बाळगणाऱ्यांचा सुळसुळाट...

सदर घटनेत संशयितांच्या तावडीतून शिताफीने या व्यावसायिकाने सुटका करून घेतली आहे. सातपूर पोलिसांनी संशयिताच्या विरोधात अपहरण करून लूटमार केल्याप्रकरणी गुन्हा दाखल केला आहे. पोलिसांनी दिलेल्या माहितीनुसार शेअर मार्केटमध्ये ट्रेडिंगचा व्यवसाय करणारे नरेंद्र बाळू पवार (राहणार: खुटवडनगर) यांना अज्ञात व्यक्तीने फोन केला. शेअर मार्केटशी संबंधित काम आहे असे सांगून त्यांना २९ जून रोजी रात्री साडेआठला आयटीआय सिग्नल येथे बोलावले.

हे ही वाचा:  नाशिककरांवर पाणीकपातीचे संकट! पाणी काटकसरीने वापरा; महापालिकेच्या सूचना

ते आल्यानंतर पवार यांना बळजबरीने दुसऱ्या कारमध्ये बसवत चाकूचा धाक दाखवत पाच कोटी रुपये दे, अन्यथा मारून टाकू अशी धमकी देत अपहरण केले. पवार यांच्या खिशातील दोन मोबाइल काढून घेतले. यामुळे भेदरलेल्या पवार यांनी औरंगाबाद येथील मित्राकडून पैसे घेऊन देतो असे सांगत औरंगाबादच्या जय खरात या मित्राला फोन केला. खरातने औरंगाबादच्या सिडको बस स्टँड येथे संशयितांच्या औरंगाबाद येथील एका साथीदारास २० लाख रुपये दिले. यानंतर पवार यांच्याकडे आणखी पैशांची मागणी केली असता पवार यांनी संशयितांना आपण मित्राकडे जाऊ असे सांगत आपल्या घराकडे नेले.

हे ही वाचा:  नाशिक: अज्ञात वाहनाने दिलेल्या धडकेत दुचाकीस्वार ठार

संशयिताला बाहेर थांबवून रात्री बाराच्या सुमारास शिताफीने स्वतःची सुटका करून घेतली. या संपूर्ण घटनेत ३० हजार रुपये किमतीचे दोन मोबाइल फोन, १० लाखांची ऑडी कार तसेच २० लाख रोख रक्कम असे एकूण ३९ लाख ३० हजार रुपयांचा ऐवज धमकावून लुटून नेला आहे.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
×
Get Instant Updates