नाशिकच्या सर्व अपडेट्ससाठी आमचा व्हॉट्सअॅप ग्रुप जॉईन करा…
नाशिक (प्रतिनिधी): ३५४ कोटी रुपये खर्च करून शहरातील केरकचरा संकलनासाठी दिलेला ३९६ घंटागाड्यांचा ठेका वादात असताना, आता घनकचरा व्यवस्थापन विभागाने स्वच्छ शहर स्पर्धेच्या पार्श्वभूमीवर तसेच घंटागाडीच्या ठेक्याविषयी तक्रारी दूर करण्यासाठी सायंकाळी १० अतिरिक्त घंटागाड्या सुरू करण्याचा निर्णय घेतला आहे. या घंटागाड्या कामगार वस्ती तसेच व्यावसायिक संकुल परिसरामध्ये रात्रीच्या वेळी फिरून कचरा संकलन करणार आहे.
शहरामधील साडेपाच लाख मिळकती तसेच व्यापारी व औद्योगिक आस्थापनांमधून मोठ्या प्रमाणामध्ये रोज कचरा निर्मिती होत असते. हा कचरा संकलन करण्यासाठी महापालिकेने शहरांमधील सहाही विभागांमध्ये खासगीकरणांमधूनघंटागाडीचा ठेका दिला आहे. जवळपास ३९६ घंटागाडीकचरा संकलनासाठी उपलब्ध असून सकाळी ८ तेदुपारी १२ या कालावधीमध्ये कचरा संकलित करून याघंटागाड्या पाथर्डी खत प्रकल्पावर प्रक्रियेसाठी नेतात. येथे शास्त्रोक्त पद्धतीने कचऱ्यावर प्रक्रिया करून खततसेच इंधन विटा तयार केल्या जातात.
या संपूर्णप्रक्रियेसाठी पाच वर्षाकरिता ३५४ कोटी रुपयांचा खर्चआहे. इतका खर्च करूनही शहरांमधील अस्वच्छता कायम असल्याचे तक्रारी नागरिकांमधून येतआहे. लहान गाड्यांमधून कचरा वाहतूक करतानाओला व सुका कचरा विलगीकरणाच्या अटीचेउल्लंघन होत आहे. ही बाब लक्षात घेत आता सायंकाळीदेखील अतिरिक्त नऊ घंटागाड्यांद्वारे कचरासंकलन करण्याचा निर्णय घनकचरा व्यवस्थापन विभागाने घेतला आहे.
विभागनिहाय अतिरिक्त घंटागाड्या अशा:
नवीन नाशिक- २, नाशिक पूर्व- २, नाशिकरोड- १, नाशिक पश्चिम- २, पंचवटी विभाग- १, सातपूर विभाग- १
कचऱ्याचे ब्लॅकस्पॉट होणार आता दूर:
कामगार वस्तीत बरेचसे कामगार हे शिफ्ट पद्धतीने रोजगारासाठी सातपूर, अंबड येथील एमआयडीसी तसेच शहरातील बांधकाम साइटवर जातात. हे कामगार सकाळी ७ ते ८ वाजता घराबाहेर पडून रात्री उशिरा घरी परततात. त्यामुळे त्यांच्या घरामध्ये न जाता जवळच्या ब्लॅकस्पॉटवर कचरा टाकला जातो. याबाबत तक्रारी वाढल्या आहेत. ही बाब लक्षात घेत सायंकाळी घंटागाड्या सुरू केल्यामुळे संबंधितांना कचरा टाकणे सोपे होईल.
दिवाळीत शहरात दोनवेळा कचरा संकलन:
दिवाळीमध्ये मोठ्या प्रमाणामध्येकचरा निर्मिती होत असल्यामुळेगतवर्षीप्रमाणे यंदाही सकाळ आणिसंध्याकाळ अशा दोन सत्रातघंटागाडीद्वारे घरोघरी तसेचबाजारपेठांमध्ये कचरा संकलनकरण्याचे नियोजन सुरू आहे. दिवाळी सणाच्या कालावधीतघरांची स्वच्छता, रंगरंगोटी असोवा फटाक्यांचा कचरा यामुळेशहरात ठिकठिकाणी कचऱ्याचेढीग साचताे, ही बाब लक्षात घेतहा आदेश देण्यात आला आहे.
दहा घंटागाड्या अतिरिक्त उपलब्ध:
कामगार वस्ती, व्यापारी संकुल, व्यावसायिक आस्थापना या ठिकाणी रात्री कचरा संकलनासाठी दहा अतिरिक्त घंटागाड्या उपलब्ध करून दिल्या जाणार आहे. – डॉ. आवेश पलोड, संचालक, घनकचरा व्यवस्थापन विभाग
