शीतलहरींमुळे थंडीचा कडाका; नाशिक १०, निफाड ६.८ वर

नाशिक (प्रतिनिधी): गेल्या तीन दिवसांपासून राज्यात कोरडे हवामान असून उत्तरेकडील शीतलहरीमुळे थंडीमध्ये वाढ झाली असून गुरुवारी (दि. ९) धुळे येथे नीचांकी ४.४ तर निफाड येथे ६.८ तर नाशिक येथे १०.० अंश सेल्सिअस तापमानाची नोंद करण्यात आली.

१० ते १३ जानेवारीदरम्यान मध्य महाराष्ट्र, मराठवाड्यात ढगाळ वातावरणासह ठिकठिकाणी हलक्या स्वरूपाच्या पावसाचा अंदाज हवामान खात्याने वर्तवला आहे.

राज्यात बहुतांश ठिकाणी किमान तापमान १० ते १२ अंश सेल्सिअसच्या दरम्यान नोंदविण्यात आले आहे. या थंडीमुळे नागरिकांना हुडहुडी भरल्याचे चित्र होते.