नाशिक: तापमानात २४ तासांत एका अंशाने वाढ

नाशिक (प्रतिनिधी): गेल्या २४ तासांत शहराचे तापमान १ अंशाने वाढून ३७.६ अंश सेल्सिअस झाले. तर किमान तापमान १७.८ अंशांवर होते. दिवसा प्रचंड ऊन आणि हवामान कोरडे असल्याने उकाड्‌याने नागरिक हैराण झाले होते. राज्यातील वातावरण काही ठिकाणी कोरडे तर काही ठिकाणी ढगाळ आहे. कोरडे वातावरण असलेल्या भागात उन्हाची तीव्रता वाढली असून कमाल तापमानात वाढ झाली आहे.

२९ ते ३० मार्च रोजी मध्य महाराष्ट्रासह मराठवाड्यात ढगाळ वातावरणाचा अंदाज असून तुरळक ठिकाणी पावसाची शक्यता आहे. तसेच कमाल तापमानात २ ते ३ अंशांनी वाढ होण्याची शक्यता नागपूर वेधशाळेने वर्तविली आहे.