नाशिक। दि. ३१ डिसेंबर २०२५: विधानसभा मतदारसंघाच्या मतदार यादीतील दुबार नावे (DEC’s) यांची पडताळणी करून ते वगळण्याबाबत राज्याचे मुख्य निवडणूक अधिकारी यांनी निर्देश दिले आहेत. त्यानुसार 125 नाशिक पश्चिम विधानसभा मतदार संघातील दुबार, स्थलांतरीत व मृत मतदारांची नावे वगळण्याबाबत मतदान केंद्रस्तरीय अधिकारी (BLO) यांच्यामार्फत किंवा आवश्यक कागदपत्रांसह https://voters.eci.gov.in या संकेस्थळावर नागरिकांनी अर्ज सादर करावेत, असे आवाहन जिल्हाधिकारी तथा जिल्हा निवडणूक अधिकारी आयुष प्रसाद यांनी प्रसिद्धी पत्रकान्वये केले आहे.
125 नाशिक पश्चिम विधानसभा मतदारसंघातील दुबार नोंदी असलेल्या मतदारांची यादी https://nashik.gov.in या संकेतस्थळावर उपलब्ध आहेत. दुबार, स्थलांतरीत व मृत मतदारांची माहिती संकलित करण्याचे काम मतदान केंद्रस्तरीय अधिकारी यांच्यामार्फत गृहभेटीद्वारे सुरू आहे. मतदार यादी अचूक व त्रुटी विरहीत राहण्यासाठी सर्व मतदारांनी आपले नाव दुबार आहे का? किंवा असल्यास कोणत्या यादीभागात आहे, याची माहिती संकेस्थळावरून करून घ्यावी, असेही जिल्हाधिकरी तथा जिल्हा निवडणूक अधिकारी श्री. प्रसाद यांनी कळविले आहे.
