नाशिक (प्रतिनिधी): केंद्र सरकारने प्रधानमंत्री राष्ट्रीय बाल पुरस्कार 2025 साठी अर्ज मागविले आहेत. ज्या मुलांनी शिक्षण, कला, संस्कृती कार्य, खेळ नाविण्यपूर्ण शोध, सामाजिक कार्य व शौर्य अशा क्षेत्रात विशेष नैपुण्यपूर्ण कामगिरी करण्याऱ्यांना प्रधानमंत्री राष्ट्रीय बाल पुरस्कार दिला जातो. या पुरस्कारासाठी https://awards.gov.in या संकेतस्थळावर ऑनलाईन पद्धतीने 30 जुलै 2025 पर्यंत अर्ज सादर करावेत, असे आवाहन जिल्हा महिला व बाल विकास अधिकारी सुनील दुसाने यांना प्रसिद्धी पत्रकान्वये केले आहे.
या पुस्कारासाठी मुलांचे वय 5 वर्षापेक्षा अधिक व 31 जुलै 2025 रोजी 18 वर्षापेक्षा कमी असणे आवश्यक आहे. अशा मुलांचे प्रस्ताव स्वत: मुले किंवा त्यांच्या वतीने राज्य सरकार, केंद्र शासित प्रदेश, जिल्हाधिकारी/ जिल्हा दंडाधिकारी, पंचायत राज संस्था, नागरी स्वराज्य संस्था, शैक्षणिक संस्था अर्ज करू शकतात, असेही प्रसिद्धी पत्रकात नमूद केले आहे.
नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा...
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790