नाशिक: कार चोरणाऱ्या दोघांना टिटवाळा येथून अटक

नाशिक (प्रतिनिधी): इंदिरानगर पोलिस ठाण्याच्या हद्दीतून कार चोरी करणाऱ्या दोघा संशयितांना गुन्हे शाखा युनिट-२च्या पथकाने टिटवाळा येथून ताब्यात घेतले. त्याच्या ताब्यातून चोरी गेलेली कार (एमएच १५ जीएक्स ०२१२) तसेच दुचाकी (एमएच ०४ जीबी ७७१९), असा एकूण ३ लाखांचा मुद्देमाल जप्त करण्यात आला आहे.

पथकाने सीसीटीव्ही फुटेजची पाहणी करत तांत्रिक विश्लेषणाद्वारे सहायक पोलिस निरीक्षक डॉ. समाधान हिरे, उपनिरीक्षक यशवंत बेंडकोळी, सुनील आहेर, अतुल पाटील, प्रकाश महाजन यांच्या पथकाने टिटवाळा गाठून तेथून संशयित आरोपी प्रभास राजूसिंग जुन्नी (२७, रा. साईराज चाळ, टिटवाळा), सोनुसिंग साकुरसिंग तिलपितीया (२२, रा. वडोदरा, गुजरात) या दोघांना सापळा रचून शिताफीने बेड्या ठोकल्या. त्यांना पुढील तपासाकरिता इंदिरानगर पोलिसांच्या हवाली करण्यात आले आहे.