नाशिक: विनयभंगाच्या गुन्ह्यात आरोपीस एक वर्षाचा कारावास

नाशिक (प्रतिनिधी): उपनगर पोलिस ठाण्याच्या हद्दीत २०१९ साली विवाहितेचा पाठलाग करून आरोपी राहुल मोहन सोनी (३०) याने विनयभंग केला होता. या प्रकरणी नाशिकरोड येथील प्रथम वर्ग न्यायदंडाधिकारी व्ही. बी. मुल्ला यांनी त्यास एक वर्षाच्या कारावासाची शिक्षा सुनावली.

पीडितेने उपनगर पालिस ठाण्यात दिलेल्या तक्रारीनुसार राहुल याने इमारतीच्या प्रवेशद्वारावर येऊन फिर्यादीचा बळजबरीने हात धरून ओढले होते. या प्रकरणी तत्कालिन सहायक पोलिस निरीक्षक एम. डी. परदेशी यांनी तपास करत आरोपीविरुद्ध सबळ पुरावे न्यायालयात सादर केले. फिर्यादी, साक्षीदार व पंच यांच्या साक्ष व पुराव्यांआधारे न्यायालयाने दोषी धरले.