नाशिक: बांधकाम प्रकल्पावर पाण्याच्या टाकीत पडून दीड वर्षीय बालकाचा मृत्यू

नाशिक (प्रतिनिधी): बांधकाम प्रकल्पावर काम करणाऱ्या मुजराच्या दीडवर्षीय मुलाचा पाण्याच्या टाकीत पडून मृत्यू झाला. नाशिकरोडला जेलरोड परिसरातील शिवाजीनगरच्या एमएसइबी कॉलनीजवळील बांधकाम प्रकल्पावर दुपारी ३ वाजता हा प्रकार उघडकीस आला.

रोनक सुनील कनोजे असे या बालकाचे नाव आहे. याप्रकरणी उपनगर पोलिस ठाण्यात अकस्मात मृत्यूची नोंद करण्यात आली आहे. पोलिसांनी दिलेली माहिती अशी, बांधकाम प्रकल्पावर कनोजे कुटुंब कामास आहे. दुपारी मुलगा रोनक रांगत पाण्याच्या टाकीजवळ गेला. टाकीला ढापे नसल्याने तो टाकीत पडला. त्याचा शोध घेतला मात्र तो मिळून आला नाही, टाकीत पाहिले असता मुलगा दिसून आला. तत्काळ बिटको रुग्णालयात दाखल केले. डॉक्टरांनी तपासून मृत घोषित केले. (उपनगर पोलीस स्टेशन, अकस्मात मृत्यू रजिस्टर क्रमांक: ६१/२०२५)