नाशिक: चामरलेणीच्या डोंगरावर गळफास घेत महाविद्यालयीन युवतीची आत्महत्या

नाशिक (प्रतिनिधी): चामरलेणीच्या डोंगरावर एका महाविद्यालयीन विद्यार्थिनीने झाडाला ओढणी बांधून गळफास घेत आत्महत्या केल्याची घटना सोमवारी (दि.१४) सकाळी उघडकीस आली.

पोलिसांनी या मृतदेहाची ओळख पटविण्याचा प्रयत्न केला असता मंगळवारी (दि.१५) सायंकाळी ओळख पटली. मनिषा अशोक चौधरी (२१, रा. सुरगाणा) असे मयत झालेल्या विद्यार्थिनीचे नाव आहे. तिने मागील आठवड्यात नर्सिंग सीईटीची परीक्षा दिली होती. आत्महत्येचे कारण मात्र समजू शकलेले नाही. पुढील तपास पोलीस करत आहेत.