नाशिक: भरधाव सिटी लिंकच्या धडकेत दुचाकीस्वाराचा मृत्यू

नाशिक। दि. १३ जून २०२५: लेखानगर परिसरात सिटी लिंक बसने दुचाकीला धडक दिल्याने ज्येष्ठ नागरिकाचा मृत्यू झाला. इंदिरानगरच्या सुदर्शन कॉलनीतील सुरेश कुलकर्णी (७७) यांचा या अपघातात मृत्यू झाला आहे.

पोलिसांच्या माहितीनुसार कुलकर्णी हे दुचाकीने (एमएच १५ डीजी १७९५) दुपारी ४ वाजेच्या सुमारास लेखानगरकडे जात असताना बालभारती समोर सिटी लिंक (एमएच १५ जीव्ही ७७२८) चालक योगेश भिवा दळवी याने आणलेल्या भरधाव बसची दुचाकीला धडक बसली. त्यात कुलकर्णी यांच्या डोक्याला गंभीर मार लागल्याने त्यांचा मृत्यू झाला. बसचालक योगेश दळवी याच्याविरोधात अंबड पोलिस ठाण्यात गुन्हा दाखल करण्यात आला आहे. (गुन्हा रजिस्टर क्रमांक: ३९०/२०२५)