नाशिक। दि. २६ नोव्हेंबर २०२५: अंबड एमआयडीसीत गरवारे एक्स्लो पॉइंट चौकात आयशर ट्रकने दिलेल्या धडकेत दुचाकीस्वाराच्या डोक्याला गंभीर दुखापत झाल्याने मृत्यू झाला. उत्तम बाबूराव गायकवाड (४८, रा. दत्तनगर, चुंचाळे, अंबड) असे मृत्यू झालेल्या दुचाकीस्वाराचे नाव आहे. याप्रकरणी चुंचाळे पोलिस ठाण्यात ट्रक चालकाविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आयशर ट्रक (एमएच ४३ बीएक्स ८८४३) ने दुचाकी (एमएच १५ डीइ ६८५०) ला एक्स्लो पॉइंट सर्कलमध्ये धडक दिली. धडकेनंतर गायकवाड हे कंटेनरच्या मागील चाकाखाली आले व त्यांच्या डोक्यास गंभीर दुखापत झाल्याने त्यांचा जागीच मृत्यू झाला. अपघातानंतर चौकात काहीकाळ वाहतूक कोंडी झाली होती. याप्रकरणी अंबड पोलीस ठाण्यात ट्रक चालकाविरुद्ध गुन्हा दाखल करण्यात आला आहे. (गुन्हा रजिस्टर क्रमांक: ८६६/२०२५)
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
