महाराष्ट्रावर शोककळा: राज्याचे उपमुख्यमंत्री अजितदादा पवार यांचे अपघाती निधन

बारामती। दि. २८ जानेवारी २०२६: राज्याचे उपमुख्यमंत्री अजितदादा पवार यांचे अपघाती निधन झाले आहे. त्यांच्या विमानाला भीषण अपघात झाला. बारामती येथे विमानाचे लँडिंग होत असताना अपघात झाला. हा अपघात इतका भीषण होता की विमान जळून खाक झाले आहे.

आज बारामतीमध्ये उपमुख्यमंत्री अजितदादा पवारांच्या चार सभा होणार होत्या. जिल्हा परिषद आणि पंचायत समिती निवडणूक प्रचारासाठी या सभांचे आयोजन करण्यात आले होते. सुपे जिल्हा परिषद गटासाठीही एक सभा होणार होती.

यासाठी अजितदादा पवार विमानाने मुंबईहून बारामतीमध्ये आले होते. मात्र विमानाचे लँडिंग होत असताना हा अपघात झाल्याची माहिती समोर येत आहे.