नाशिक: शतपावली करणाऱ्या इसमावर हत्याराने वार

नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…

नाशिक (प्रतिनिधी): पाथर्डी फाटा येथील नरहरी नगर परिसरात शतपावली करणाऱ्या सुनील चुंबळे यांच्यावर दुचाकीवर आलेल्या दोन अज्ञात इसमांनी तीक्ष्ण हत्याराने वार केल्याची घटना घडली आहे. इंदिरानगर पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार

शनिवार (दि. २) सुनील चुंबळे (४३, गौळाणे) संध्याकाळी साडेसहा वाजेच्या दरम्यान नरहरी नगर परिसरातील रस्त्यावरून शतपावली करत असताना दोन अज्ञात इसम दुचाकीवरून भरधाव वेगाने आले.

त्यांनी चुंबळे यांच्या डाव्या हातावर तीक्ष्ण हत्याराने वार करून दुचाकीवरून पळून गेले. त्यांना खासगी रुग्णालयात औषधोपचारासाठी दाखल करण्यात आले आहे. इंदिरानगर पोलिस ठाण्यात अज्ञात इसमाविरुद्ध गुन्हा दाखल करण्यात आला आहे.