नाशिक: आता बोला… प्रियकराच्या व भावाच्या मदतीने पत्नीनेच फोडले स्वत:चेच घर

👉 Ad: Office On Rent At Canada Corner. Whatsapp For More Details.

नाशिक (प्रतिनिधी): नाशिकच्या जेल रोड परिसरात एका अजब गुन्ह्याची नोंद झाली आहे.

पत्नीने आपला भाऊ व प्रियकराच्या मदतीने स्वतःच्याच घरात चोरी करुन सुमारे सव्वासहा लाखांचा ऐवज लंपास केल्याची घटना घडली आहे.

याबाबत उपनगर पोलिस ठाण्यात चोरीचा गुन्हा दाखल झाला आहे.

पत्नीची तक्रार करायला गेले अन्..:
जेल रोड परिसरातील बेला डिसूझा रोड येथे राहणारे फिर्यादी यांच्या माहितीनुसार, पत्नीचे प्रियकरासोबत असलेल्या प्रेम संबंधाची माहिती तिच्या आई- वडील व भाऊ यांना देण्यासाठी बुधवारी (ता. 15) फिर्यादी पत्नीसह, मुलगा, मुलगी असे टेंभुर्णी (जालना) येथे गेले होते. फिर्यादी टेंभुर्णी येथे गेल्यानंतर पत्नीच्या आई- वडिलांना तिच्या प्रेमसंबंधाबाबतची रेकॉर्डिंग ऐकवली. त्या ठिकाणी फिर्यादी व पत्नीच्या नातेवाइकांचे जोरदार भांडण झाले. तत्पूर्वी, घर दुरुस्त करण्यासाठी फिर्यादी यांनी बॅंकेतून चार लाख रुपये काढून घरात ठेवले होते. याची माहिती पत्नी, तिचा भाऊ व प्रियकराला होती.

हे ही वाचा:  नाशिक: अज्ञात वाहनाच्या धडकेत ५८ वर्षीय पादचारी ठार

शुक्रवारी (ता. 17) काम आटोपून फिर्यादी नाशिकला पोचले असता घराच्या दरवाजाचे कुलूप तुटलेले व लोखंडी कपाट उघडे दिसले. दरम्यानच्या काळात पत्नी, तिचा भाऊ व प्रियकर यांनी घराचे कुलूप दगडाने तोडून पाच लाख 50 हजाराची रोकड, 70 हजाराचे मंगळसूत्र, तीन मोबाईल, चार साड्या असा सहा लाख 28 हजारांचा ऐवज चोरून नेल्याची तक्रार देण्यात आली आहे.

हे ही वाचा:  नाशिक: अज्ञात वाहनाच्या धडकेत ५८ वर्षीय पादचारी ठार

[wpna_related_articles title=”More Important News” ids=”9367,9347,9379″]

याप्रकरणी उपनगर पोलीस ठाण्यात गुन्हा रजिस्टर क्रमांक ०२७१/२०२१, भारतीय दंड विधान ४५४, ४५७, ३८० प्रमाणे गुन्हा नोंद करण्यात आला आहे. याप्रकरणी अधिक तपास सहाय्यक पोलीस निरीक्षक खडके करत आहेत.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790