नाशिक : नाशिक पूर्व मतदारसंघातील महायुतीचे उमेदवार भाजप आमदार अॅड. राहुल ढिकले यांच्या प्रचाररॅलीने मखमलाबाद गाव व परिसर दुमदुमून गेला. यावेळी राहुल ढिकले आणि महायुतीच्या घोषणांनी प्रचारात रंगत आणली.
आगामी सिंहस्थ कुंभमेळ्यासाठी नाशिकला भरीव निधी आणण्यासाठी तसेच सिंहस्थाचे सुयोग्य नियोजन करण्यासाठी राहुल ढिकले यांना पुन्हा आमदार करून विधानसभेत पाठविण्याचा निर्धार यावेळी मखमलाबादकरांनी व्यक्त केला.
मखमलाबाद गाव व परिसरातील शांतीनगर, वडजाई माता नगर, पेठ रोड, ओंकार नगर, पिंगळे नगर, बोरगड परिसर, गोरक्षनगर, गुलमोहरनगर, साईनगर, ओंकार कॉलनी, कलानगर, शिवगंगानगर आदी परिसरात बाइक रॅली काढण्यात आली. यावेळी ढिकले यांनी मतदारांशी संवाद साधला.
या बाइक रॅलीत माजी नगरसेविका सुनीता पिंगळे, नारायण काकड, तानाजी पिंगळे, संजय फडोळ, शंकर पिंगळे, माजी नगरसेवक पुंडलिक खोडे, चित्रा तांदळे, ज्ञानेश्वर काकड, वाळू काकड, ज्ञानेश्वर पिंगळे, राजेश पिंगळे, मनोज चारसकर, भारत काकड, सचिन पिंगळे, अमोल पिंगळे, धनंजय खोडे, राहुल काकड, उदय काकड आदीसह कार्यकर्ते व पदाधिकारी सहभागी झाले होते.
