नाशिक। दि. ८ जुलै २०२६: राज्यात अमराठी ऑटोरिक्षा व टॅक्सी परवाना धारक तसेच चालकांसाठी “महाराष्ट्र माझा, मराठी माझी संवाद भाषा” हा उपक्रम राबविण्यात येत आहे. या उपक्रमांतर्गत नाशिक जिल्ह्यातील अमराठी ऑटोरिक्षा व टॅक्सी चालकांसाठी 10 जुलै 2026 रोजी प्रादेशिक परिवहन कार्यालयाच्या कॉन्फरन्स हॉल येथे दुपारी 12 ते दुपारी 1.30 या वेळेत मराठी भाषा पाठ्यक्रम कार्यशाळेचे आयोजन केले आहे. या कार्यशाळेस जिल्ह्यातील ऑटोरिक्षा व टॅक्सी चालकांनी उपस्थित रहावे, असे आवाहन सहाय्यक प्रादेशिक परिवहन अधिकारी यांनी प्रसिद्धी पत्रकान्वये केले आहे.
हा उपक्रम राज्य मराठी विकास संस्था, कोकण साहित्य परिषद, मुंबई मराठी साहित्य संघ व परिवहन विभाग यांच्या संयुक्त विद्यमाने 1 जून ते 15 ऑगस्ट 2026 या कालावधीत राज्यभर राबविण्यात येत असल्याचे प्रादेशिक परिवहन अधिकारी, नाशिक यांनी कळविले आहे.
