नाशिक (प्रतिनिधी): नाशिक शहरातील काही भागात गुरुवारी म्हणजेच दि. २९ मे २०२५ रोजी सकाळी ९.३० ते दुपारी १ वाजेपर्यंत वीजपुरवठा बंद राहणार असल्याचे महावितरणकडून कळविण्यात आले आहे.
शालीमार उपकेंद्रातील ११ केव्ही राजे बहादूर वाहिनीवरील वीजपुरवठा देखभाल दुरुस्तीचे काम हाती घेण्यात आले आहे. त्यामुळे गुरुवारी दि. २९ मे २०२५ रोजी सकाळी ९.३० ते दुपारी १ वाजेपर्यंत पुढील भागांतील वीजपुरवठा बंद असणार आहे. यामध्ये: राजे बहादूर लेन, फावडे लेन, चांदवडकर लेन, महात्मा गांधी रोड, वकील वाडी ,घनकर लेन, रेडक्रॉस आणि देवधर लेन या भागांचा समावेश आहे. कृपया ग्राहकांनी याची नोंद घ्यावी व महावितरण कंपनीस सहकार्य करावे, असे आवाहन करण्यात आले आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
