नाशिक। दि. २०ऑक्टोबर २०२५: महापालिकेच्या घनकचरा व्यवस्थापन विभागाने शहरातील ओला व सुक्या कचऱ्याचे वर्गीकरण न करणाऱ्या नागरिकांवर कारवाईला सुरुवात केली आहे.
२९ सप्टेंबर ते १५ ऑक्टोबर या कालावधीत सहा विभागांतील एकूण २,५१६ नागरिकांना नोटीस देण्यात आल्या असून, तब्बल २ लाख ४३ हजार २०० रुपये दंड वसूल करण्यात आला आहे. महापालिकेतर्फे नागरिकांना घरगुती ओला व सुका कचरा वेगळा करून देण्याचे सातत्याने आवाहन करण्यात येत आहे.
तरीदेखील काही नागरिकांकडून या निर्देशांकडे दुर्लक्ष होत असल्याने मनपाने दंडात्मक कारवाई सुरू केली आहे. कचरा वर्गीकरण ही प्रत्येक नागरिकाची जबाबदारी असून, पर्यावरणपूरक शहर घडवण्यासाठी प्रशासन व नागरिकांचा संयुक्त सहभाग आवश्यक आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
