नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…
नाशिक (प्रतिनिधी): नाशिकहून भुसावळकडे जाणाऱ्या गोदान एक्सप्रेसच्या पार्सल बोगीला आग लागल्याची घटना शुक्रवारी दुपारी घडली. रेल्वेगार्डच्या वेळीच लक्षात आल्याने पुढील अनर्थ टळला आहे.
नाशिकरोड रेल्वे स्टेशन सोडल्यानंतर गोरेवाडी नजीक मनपाच्या जलशुद्धीकरण केंद्राजवळून जात असतांना पार्सल बोगीतुन धुराचे लोट येतांना दिसले. हा प्रकार प्रवाशांच्या लक्षात आल्याने त्यांनी आरडाओरड सुरु केली.
ही बाब गार्डच्या लक्षात आल्यानंतर ताबडतोब गाडी थांबविण्यात आली. अग्निशमन दल यायच्या आधी रेल्वे कर्मचाऱ्यांनी फोमच्या साहाय्याने आग विझविण्याचा प्रयत्न केला. अग्निशमन दल आल्यानंतर गाडीपासून बोगी वेगळी करण्यात आली आणि आग विझविण्यात आली. मात्र आगीचे कारण समजू शकले नाही.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
