नाशिक (प्रतिनिधी): नाशिक स्मार्ट सिटी अंतर्गत नाशिक शहरामधील विविध जलशुध्दीकरण केंद्र व जलकुंभ येथे स्काडा प्रणाली बसविण्याचे काम प्रगतीपथावर असुन त्याअनुषंगाने पंचवटी जलशुध्दीकरण केंद्र व विविध जलकुंभ (पाण्याच्या टाक्या) येथे 22 मार्च रोजी करावयाच्या विविध कामाच्या अनुषंगाने शटडाऊन नियोजित केलेले आहे.
तसेच पाणी पुरवठा विभागातील विविध ठिकाणी पाणी पुरवठा करणाऱ्या मुख्य वितरण वाहिन्या तसेच उप वितरण वाहिन्यांची दुरुस्ती तसेच व्हॉलची दुरुस्ती , व्हॉल बदलणे इत्यादी देखभाल दुरुस्तीचे काम आवश्यक आहे.
त्यामुळे संपुर्ण नाशिक महानगरपालिका क्षेत्रात शनिवार २२ मार्च २०२५ रोजीचा संपुर्ण दिवसाचा पाणी पुरवठा होऊ शकणार नाही व रविवार दि. २३ रोजी सकाळचा पाणी पुरवठा कमी दाबाने होणार आहे, अशी माहिती महापालिकेच्या पाणीपुरवठा विभागााच्या वतीने देण्यात आली आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
