नाशिक: शहरातील ‘या’ वाहतूक मार्गात आज (दि. २) महत्वाचे बदल !

नाशिक। दि. २ ऑक्टोबर २०२५: दरवर्षाप्रमाणे यंदाही दसऱ्याला रावण दहन कार्यक्रमाचे आयोजन करण्यात आले आहे.

गुरुवारी (दि. २) कार्यक्रम बघण्यासाठी नागरिकांची गर्दी होत असल्याने रामकुंड परिसरात वाहतूक मार्गात बदल करण्यात आला आहे.

दुपारी ३ ते रात्री १० या वेळेत मालेगाव स्टैंड, रामकुंड, सरदार चौक ते गाडगे महाराज पूल तसेच पुलाकडून सरदार चौक, रामकुंड ते मालेगाव स्टँड जाणाऱ्या व येणाऱ्या वाहनांना प्रवेश बंद राहणार आहे.

पर्यायी मार्ग : वरील मार्गावरील वाहने गणेशवाडी, काट्या मारुती चौकी, निमाणी बसस्थानक, पंचवटी कारंजामार्गे जातील व येतील. तसेच वाहनचालकांनी गर्दीचे ठिकाण सोडून इतर मार्गांचा अवलंब करावा, असे आवाहन उपआयुक्त चंद्रकांत खांडवी यांनी केले आहे.