नाशिक (प्रतिनिधी): पोलीस आयुक्त अंकुश शिंदे यांच्या आदेशाने आज शहरातील सर्व पोलीस ठाणे हददीत रोडरोमिओ यांच्या विरूध्द कारवाई करण्यात आली.
स्थानिक पोलीस ठाण्याच्या वरिष्ठ अधिकाऱ्यांसह पुरुष व महिला सेवकांनी शाळा, महाविद्यालय तसेच गर्दीच्या ठिकाणी ही कारवाई करून टवाळखोरांना यांना चांगलाच दणका दिला. पोलिसांच्या या मोहिमेचे पालकांनी स्वागत केले आहे.
या विशेष मोहिमेत एकुण 71 जणांवर महाराष्ट्र पोलीस कायदा कलम 112, 117 अन्वये कारवाई करण्यात आली.
तसेच नाशिक शहरातील शाळा, महाविदयालय परिसरातील शंभर मीटर अंतरावरील ज्या पानटप-यांवर प्रतिबंधीत असलेला गुटखा, सिगारेट, तंबाखु विक्री होतांना आढळुन आले, अशा पानटपरी चालकांवर व धुम्रपान करणा-या व्यक्ती विरूध्द कोप्ता कायदयाअंतर्गत एकुण 37 कारवाया करण्यात आल्या. अशा प्रकारे रोड रोमिओ व धुम्रपान करणा-या व्यक्ती विरूध्द एकुण 108 कारवाई करण्यात आली.
