नाशिक: गंगापूर धरणातून ३ हजार क्युसेक्स विसर्ग !

नाशिक। दि. २६ ऑगस्ट २०२५: शहर व परिसराची तहान भागविणारे गंगापूर धरण सोमवारी (दि.२५) ९८.५६ टक्के भरले. धरणात ५,५३२ दलघफू जलसाठा असून सोमवारी विसर्ग पुन्हा वाढविण्यात आला दुपारी तीन वाजेनंतर १८८९ तर सायंकाळी सात वाजता थेट ३०२५ क्युसेकचा विसर्ग गोदावरीत सोडण्यात आला.

यामुळे गोदावरीच्या पाणीपातळीत वाढ झालेली दिसून आली. पाणलोट क्षेत्रात रविवारी मध्यरात्रीपासून पावसाचा जोर टिकून आहे. शहरात सायंकाळपर्यंत २.६ मिमी पाऊस पडल्याची नोंद करण्यात आली.