नाशिक: पीओपी मूर्ती बनविणाऱ्यांवर कारवाई

नाशिक (प्रतिनिधी): महापालिका सिडको विभागाच्या वतीने प्लास्टर ऑफ पॅरिसच्या गणेशमूर्ती कारखान्यावर धडक देत दंडात्मक कारवाई करण्यात आली. केंद्रीय पर्यावरण विभागाच्या सूचनेनुसार प्लास्टर ऑफ पॅरिस मूर्तीवर बंदी असताना अंबड गाव येथे पीओपी मूर्ती कारखाना सुरू होता. विभागीय अधिकारी तथा सहायक आयुक्त सुनीता कुमावत यांच्या मार्गदर्शनानुसार सदर कारखान्यावर कारवाई करत एकूण पाच जणांवर कारवाई करून पन्नास रुपये दंड करण्यात आला. यावेळी सातपूर विभागीय अधिकारी गरकळ, भारत खैरनार, विभागीय स्वच्छता निरीक्षक संजय गांगुर्डे, विशाल आवारे, विजय थोरात तसेच अतिक्रमण विभागातील अधिकारी व कर्मचारी उपस्थित होते.