नाशिक (प्रतिनिधी): महापालिकेच्या अतिक्रमण निर्मूलन विभागाच्यावतीने सोमवारी शालिमार चौकातील अतिक्रमणे काढण्यात आली.
अतिक्रमण निर्मूलन पथकाने शालिमार, नेपाळी कॉर्नर, महात्मा गांधी रोड, मेनरोड ते धुमाळ पॉइंट, दहिपूल ते सराफ बाजार, बोहरपट्टी ते मंगेश मिठाई, रविवार कारंजा ते रेड क्रॉस, नेहरू गार्डन ते शालिमार येथील रस्त्यांवरील कारवाई करण्यात आली. दुकानांच्या समोरील अतिक्रमण, रस्त्यावरील हातगाडी, हॉकर्स यांनी केलेले अतिक्रमणाविरुद्ध कारवाई करत चुकीचे पार्किंग करणाऱ्यांविरुद्ध दंडात्मक कारवाई करण्यात आली.
यावेळी बंदोबस्त सहायक पोलिस आयुक्त सुधाकर सुरडकर, पोलिस निरीक्षक दिनकर कदम, यतिन पाटील, अनिल शहाणे, विठ्ठल गवळी, सोबत १० अंमलदार तसेच मनपाचे २५ कर्मचारी उपस्थित होते.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
