नाशिक: श्री गुरुजी रुग्णालयात रविवारी (दि. ३१) मोफत नेत्रतपासणी शिबिर

नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…

नाशिक (प्रतिनिधी): श्री संत एकनाथ महाराज षष्ठी महोत्सव रविवारी (दि. ३१) साजरा होत आहे. श्री एकनाथी भागवत भक्त मंडळ, शांतिब्रह्म संत श्री एकनाथ महाराज मंदि, तपोवन आणि राष्ट्रीय विकास मंडळ, नाशिक यांच्या संयुक्त विद्यमाने हा कार्यक्रम आयोजित करण्यात आला आहे.

सकाळी १० ते १ वाजेपर्यंत श्री गुरुजी रुग्णालय, गंगापूररोड, नाशिक यांच्या सहकार्याने मोफत नेत्र तपासणी शिबिर होणार असून, दुपारी ४ वाजता श्री संत नामदेव भजनी मंडळाकडून भजनसेवा सादर केली जाणार आहे. संत श्री एकनाथ महाराज मंदिर, राम टेकडी, तपोवन, नाशिक येथे होत असलेल्या या धार्मिक महोत्सवात नाशिकमधील भाविकांनी मोठ्या प्रमाणावर सहभागी होऊन लाभ घ्यावा, असे आवाहन आयोजकांतर्फे करण्यात आले आहे.