नाशिक (प्रतिनिधी): बहिणीच्या मुलाला दारू का पाजली, असे म्हणून कुरापत काढून पत्नीने मुलाच्या मदतीने पतीला लाकडी दांड्याने मारहाण केल्याची घटना पाथर्डी गावात घडली.
याबाबत पोलिसांनी दिलेली माहिती अशी, की फिर्यादी सुकदेव लखा शिंपी (रा. पाथर्डी गाव) हे मजुरी काम करतात. शिंपी हे काल (दि. २२) सकाळी साडेनऊ वाजेच्या सुमारास घरी होते. त्यावेळी “माझ्या बहिणीचा मुलगा वाल्मीक याला दारू का पाजली?” असे म्हणत त्यांची पत्नी अलका सुकदेव शिंपी हिने कुरापत काढून पतीला शिवीगाळ केली, तर फिर्यादीचा मुलगा मंगेश शिंपी (वय २६) याने लाकडी दांड्याने मारहाण करून त्यांचा हात फॅक्चर केला.
या प्रकरणी इंदिरानगर पोलीस ठाण्यात मायलेकाविरुद्ध गुन्हा दाखल करण्यात आला असून, पुढील तपास सहाय्यक पोलीस निरीक्षक गांगुर्डे करीत आहेत. (गुन्हा रजिस्टर क्रमांक: ३०/२०२५)
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
