नाशिक (प्रतिनिधी): पंचवटी पोलिसांनी कुमावतनगरला पाटाजवळ आणि एका कापड दुकानात नायलॉन मांजा विक्री करणाऱ्या दोघांना ताब्यात घेत गुन्हा दाखल करण्यात आला आहे. त्यांच्यावर तडिपारीची कारवाई करण्याची तयारी सुरू असल्याचे पोलिसांनी सांगितले.
पोलिसांनी दिलेली माहिती अशी, वरिष्ठ निरीक्षक मधुकर कड यांना कुमावतनगर पाटाजवळ एक संशयित नायलॉन मांजा विक्री करत असल्याची माहिती मिळाली. पथकाने सापळा रचला संशयित इम्रान महमुदसन शहा (वय: १९, रा. सुदर्शन कॉलनी, पंचवटी) यास ताब्यात घेतले. त्याने चौकशीत गुरुदत्त कलेक्शन कापड दुकानात मांजा विक्री होत असल्याचे सांगितले.
पथकाने दुकानावर छापा टाकत संशयित शुभम आहिरे (वय: २९, पेठरोड, पंचवटी) यास ताब्यात घेतले. दोघांविरोधात पर्यावरण संरक्षण कायद्यांतर्गत गुन्हा दाखल केला आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
