नाशिक: पोलिस असल्याची बतावणी करत वृद्धाची चेन, अंगठी लंपास

नाशिक (प्रतिनिधी): वृद्धाला पोलिस असल्याचे सांगत चेकिंग करण्याचा बहाणा करत सोन्याची चेन व अंगठी काढून घेत फसवणूक केल्याचा प्रकार स्प्रिंग व्हॅली कॉर्नर, बोधलेनगर येथे घडला.

उपनगर पोलिस ठाण्यात गुन्हा दाखल करण्यात आला आहे. पोलिसांनी दिलेली माहिती आणि मधुकर माळी (७४) यांनी दिलेल्या तक्रारीनुसार, सायंकाळी ६.३० वाजता कॉर्नरवर बाकावर बसलेले असताना दोन इसम आले. आम्ही पोलिस असल्याचे सांगून चेकिंग करायची आहे असे सांगितले. दुचाकीवर बसलेल्या इसमाने सोन्याची चेन, अंगठी व मोबाईल हातरुमालात ठेवा असे सांगून हातचलाखीने काढून घेत फसवणूक केली.