नाशिक: स्कूल बसच्या धडकेत १९ वर्षीय युवक ठार

नाशिक। दि. १ ऑगस्ट २०२५: स्कूल बसच्या धडकेत १९ वर्षीय युवकाचा मृत्यू झाल्याची घटना अंबड परिसरात घडली. पोलिसांनी दिलेल्या माहितीनुसार, गौरव तुकाराम कुऱ्हाडे (१९, रा. बजरंगवाडी, विल्होळी) हा गुरुवारी (दि. ३१) दुपारी १२ वाजेच्या सुमारास दुचाकीने जात असताना लक्ष्मीनगर, अंबड येथे भरधाव स्कूल बसने त्याच्या दुचाकीला जोरदार धडक दिली.

यात तो गंभीर जखमी झाल्याने त्याला उपचारासाठी त्वरित जिल्हा रुग्णालयात दाखल करण्यात आले. मात्र, उपचारादरम्यान त्याचा मृत्यू झाला. त्याच्या पश्चात आई, बहीण, भाऊ असा परिवार आहे. (अंबड पोलीस स्टेशन, अकस्मात मृत्यू रजिस्टर क्रमांक: २१६/२०२५)