नाशिक: सिटीलींक कर्मचाऱ्यांचे आंदोलन; सकाळपासून बससेवा ठप्प

नाशिक (प्रतिनिधी): आज दिनांक १८ रोजी सिटीलिंक बस कर्मचाऱ्यांनी पहाटेपासून आंदोलन पुकारले आहे.

सिटीलिंक बस कर्मचाऱ्यांना वेतन मिळत नसल्याने त्यांनी हे आंदोलन छेडले आहे.

पहाटेपासून तपोवन डेपोत सिटीलिंक बस कर्मचाऱ्यांनी आंदोलन पुकारले आहे. यापूर्वी त्यांनी अशाच प्रकारचे काम बंद आंदोलन केले होते.

ठेकेदार आणि कर्मचारी यांच्यातील वादाचा फटका सामान्य नागरिकांना बसत आहे. जवळपास शंभरहून अधिक वाहक या आंदोलनात सहभागी आहे. सकाळपासून बस सेवा बंद असल्याने चाकरमान्यांचे आणि विद्यार्थ्यांचे हाल होत आहेत.

मागण्या पूर्ण होईपर्यंत आंदोलन करण्यावर सिटीलिंक कर्मचारी ठाम आहे.